नेकपा माओवादी केन्द्र छबिस पाथिभेरा गाउँ कमिटी अध्यक्षमा बसन्त चलाउने निर्विरोध चयन – थलारा खबर

बझाङ , मंसिर १४
नेपाल कम्युनिष्ट पार्टी ( माओवादी केन्द्र ) छबिस पाथिभेरा गाउँपालिकाको अध्यक्ष बसन्त चलाउने चयन भएका छन् ।छबिस पाथिभेरा गाउँपालिका ब्याँसीमा सोमबार भएको प्रथम पालिका अधिवेशनबाट चलाउनेको अध्यक्षतामा ५५ सदस्यीय पालिका कमिटी गठन गरिएको हो ।

कमिटीको उपाध्यक्षमा गजेन्द्र बुढा, पदम मण्डेल र मोहोन दमाई सचीवमा लाल बहादुर थापा, सहसचिव पपिन्द्र मण्डेल, कोषाध्यक्ष इश्वरी ओझा रहनेगरी ५५ सदस्यीय गाउँ कमिटी सर्वसम्मत चयन गरिएको बताइएको छ । 
यस्तै प्रदेश कमिटी का लागि ५ जना महाधिवेशन प्रतिनिधि चयन गरिएको नवनिर्मित अध्यक्ष चलाउनेले बताए ।

निवर्तमान नेकपा माओवादी केन्द्र गाउँ कमिटी अध्यक्ष पदम बहादुर मण्डेलको सभापतित्वमा भएको कार्यक्रममा प्रमुख अतिथि माओवादी केन्द्रका केन्द्रीय सदस्य धर्मराज बिक विशिष्ट अतिथि संबिधान सभा सदस्य जनक बुढा नेकपा माओवादी केन्द्र जिल्ला कमिटी सदस्य अम्मराज भण्डारी लालबहादुर थापा कविता बिष्टले बुढा नेकपा माओवादी केन्द्रका जिल्ला कमिटी सदस्य लोकेन्द्र धामी (निर्मल) छबिस पाथिभेरा गाउँपालिका वडा नम्बर ६ का वडा अध्यक्ष मोहनलाल विक लगायत अतिथि रहनु भएको थियोे ।।

कार्यक्रममा नेपाली काँग्रेसका गाउँ कमिटी अध्यक्ष पाण्डप थापाले शुभकामना मन्तव्य दिनुभएको थियोे , अन्य पार्टीका नेता कार्यकर्ताको र माओवादी केन्द्रका नेता कार्यकर्ताको बाक्लो उपस्थिति रहेको थियोे ।