कञ्चनपुरको एक होटलमा युवक मृत फेला

कञ्चनपुरको एक होटलमा एक जना युवक मृत भेटिएका छन् । महेन्द्रनगरमा रहेको नाइन इलेभन होटलमा भीमदत्त नगरपालिका-१५ निम्बुखेडाका २१ वर्षीय मुकुल पाण्डेय होटलको कोठामा मृत भेटिएका हुन् ।

घटनास्थलमा अहिले प्रहरी परिचालन गरिएको  जिल्ला प्रहरी कार्यालय कञ्चनपुरका डीएसपी चक्रबहादुर शाहले जानकारी दिए ।घटना पछि आक्रोशित मृतकका आफन्तहरुले अहिले होटलमा ढुङ्गामुढा गरिरहेका छन् ।