आज राष्ट्रिय विभूति जयपृथ्वीबहादुर सिंहको १४६औँ जन्मजयन्ती मनाइँदै

सेयर गरौं

राष्ट्रिय विभूति जयपृथ्वीबहादुर सिंहको आज १ सय ४६औँ जन्मजयन्ती मनाइँदैछ । नेपाल प्रज्ञा–प्रतिष्ठान, दर्शनशास्त्र विभागले जयपृथ्वीबहादुर सिंह र मानवतावाद विषयमा विचार गोष्ठीको आयोजना गरेको छ ।
त्यस्तै बझाङमा पनि आज राष्ट्रिय विभूति जयपृथ्वी बहादुर सिंहको विभिन्न कार्यक्रम गरि १ सय ४६औँ जन्मजयन्ती मनाइँदैछ । नेपाल पत्रकार महासंघ जिल्ला शाखा बझाङले जयपृथ्वी बहादुर सिंहको  १ सय ४६औँ जन्मजयन्तीको अवसरमा मानवतावाद, जयपृथ्वी  र अबको यात्रा बिषयक बिचार गोष्ठी तथा पत्रकार सम्मान र पुरस्कार वितरण कार्यक्रमको आयोजना गरेको छ ।

सरकारले गएको असार ६ गते जय पृथ्वीबहादुर सिंहलाई राष्ट्रिय विभूति घोषणा गरेको थियो । नेपालको शिक्षा क्षेत्रको विकास तथा विश्वसामु चिनाउन सिंहको योगदान छ । उहाँले लेखेको अक्षराङ्क शिक्षा नेपाली भाषाको पहिलो पाठ्यपुस्तक मानिन्छ ।

सिंहले अक्षरमाला, पदार्थ तत्व विवेक, बालबोध–भाग १, जापानको इतिहास, शारीरिक शिक्षा दर्पण, तथा श्रेस्ता दर्पण भाग १ र २, बालबोध, प्राकृत व्याकरण, भूगोलविद्या, जस्ता पुस्तक पनि लेख्नुभएको छ । १९३४ साल भदौ ७ मा बझाङमा जन्मिएका सिंहको १९९७ साल असोज १ गते निधन भएको थियो ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0
संवाददाता
संवाददाता
Articles: 1245