२५ मंसिर २०८१, मंगलवार
बझाङमा जिप दुर्घटना , ६ जनाको मृत्यु
बझाङमा तिहारको मुखैमा जिप दुर्घटना हुँदा ६ जनाको घटनास्थलमै मृत्यु भएको छ । सदरमुकाम चैनपुरबाट मष्टा गाउँपालिका- २, खेतकोट जाँदै गरेको सु.प.प्र ०१–००१ ज ११७ नम्बरको जिप दुर्घटना भएको हो ।
आज दिउँसो ४ बजेतिर भएको दुर्घटनामा परी ८ जना घाइते भएको जिल्ला प्रहरी कार्यालय बझाङका प्रहरी निरीक्षक रमेश अवस्थीले बताए । उद्धार कार्य जारी रहेकोले घाइते र मृतकको संख्या थपिन सक्ने उनले बताए ।
जिपमा कति जना सवार थिए भन्ने एकिन भइसकेको छैन । नेपाल प्रहरी, नेपाली सेना, सशस्त्र प्रहरी र स्थानीय उद्धार कार्यमा जुटिरहेको प्रहरी निरीक्षक रमेश अवस्थीले बताए ।
जिप सडकबाट करिब दुई सय मिटर तल खोल्सामा खसेको छ ।
यो खबर पढेर तपाईलाई कस्तो महसुस भयो ?
+1
+1
1
+1
1
+1
1
+1
6
+1
3
+1
44
