छबिसपाथिभेरा गाउँपालिका-७ ले पौष २४ देखि माघ ३ गतेसम्म राष्ट्रिय परिचयपत्रको विवरण संकलन गर्ने

बझाङ – बझाङको छबिसपाथिभेरा गाउँपालिका-७ मा राष्ट्रिय परिचयपत्रको विवरण संकलन गरिने भएको छ । छबिसपाथिभेरा गाउँपालिका वडा नम्बर ७ ले शुक्रबार एक सूचना जारी गरि यहीँ पौष २४ गतेदेखि माघ ३ गतेसम्म वडाभरि राष्ट्रिय परिचयपत्रको विवरण संकलन गरिने वडाध्यक्ष बिजय बहादुर धामीले बताउनुभयो ।
विवरण संकलन गर्दा सबै व्यक्तिलाई आफूले प्राप्त गरेको नागरिकताको प्रमाणपत्रको सक्कलै लिएर आउन सूचनामा भनिएको छ।

बुड्खोरी टोलको पौष २४ गतेदेखि २६ गतेसम्म खोरी टोलको २७ देखि २८ सम्म नौरा टोलको २९ गते मजखोरी टोलीको र घट्टे टोलको ३० विवरण संकलन गरिने भएको छ । त्यस्तै भैसेओडार,सेरा मजखोरी माघ २ गते र छुट्न गएका हकमा माघ ३ गते सम्म समय रहेको छ ।