थलारा माध्यमिक विद्यालयको विद्यालय ब्यवस्थापन समिति अध्यक्षमा अनिल कुमार बिष्ट सर्वसम्मत चयन

बझाङ – थलारा

बझाङको थलारा गाउँपालिका -५ स्थित थलारा माध्यमिक विद्यालयको विद्यालय ब्यवस्थापन समिति अध्यक्षमा अनिल कुमार बिष्ट सर्वसम्मत चयन हुनु भएको छ ।
आइतबार जेष्ठ सदस्य बिमला कुमारी थापा (चौहान) को अध्यक्षतामा बसेको विद्यालय ब्यवस्थापन समितिको बैठकबाट बिष्ट सर्वसम्मत अध्यक्षमा चयन भएका हुन् ।

मंसिर १८ गतेबाट बिद्यालय ब्यवस्थापन समिति गठन प्रक्रिया सुरु भएकोमा आज आइतबार पूर्णता पाएको छ । मंसिर १८ गते बोलाइएको आमभेलामा बिद्यालय ब्यवस्थापन समिति अध्यक्षमा धेरै आकांक्षी देखिएपछि टुंगो लाग्ने सकेको थिएन् । त्यसपछि माघ ६ गते दोस्रोपकट आमभेला बोलाइएको थियोे र उक्त भेलाले दुई जना महिला बिमला कुमारी थापा (चौहान) , सुनिता देवी गिरी र दुई जना पुरुष अनिल कुमार बिष्ट , रामबहादुर कडायत गरि चार जना सदस्य सर्वसम्मत चयन गरिएको थियोे ।

आइतबार बसेको विद्यालय ब्यवस्थापन समितिको बैठकले बिष्टलाई अध्यक्ष सर्वसम्मत चयन गरेको विद्यालयका प्रधानाध्यापक शेरबहादुर चौहानले बताउनुभएको छ ।
त्यस्तै अन्य सदस्यमा बिमला कुमारी थापा (चौहान) ,सुनिता देवी गिरी ,रामबहादुर कडायत , गोबिन्द्र राज जोशी , राजेश बहादुर खब्खोली दुर्गा देवी खड्का प्रधानाध्यापक शेरबहादुर चौहाना रहेका छन् । समितिमा अन्य एक जना शिक्षक मनोनीत गर्न बाँकी रहेको प्रधानाध्यापक चौहानले जानकारी दिनु भएको छ ।
विद्यालय ब्यवस्थापन समिति अध्यक्ष बिष्ट थलारा गाउँपालिका वडा नम्बर ६ का वडाध्यक्ष समेत हुन ।