थलारा गाउँपालिका-७ द्वारा जेष्ठ नागरिक र अपांग व्यक्तिलाई सम्मान

बझाङको थलारा गाउँपालिका-७ का जेष्ठ नागरिक र अपांगलाई सम्मान गरिएको छ।
थलारा गाउँपालिका वडा नम्बर ७ को जेष्ठ नागरिक तथा अपांग सम्मान कार्यक्रम अन्तर्गत मंगलबार एक कार्यक्रमका बीच वडाका जेष्ठ नागरिक र अपांग व्यक्तिलाई सम्मान गरिएको हो ।

वडा कार्यालयमा एक कार्यक्रमको आयोजना गरि वडा भित्रका २१ जना जेष्ठ नागरिक र अपांगलाई सम्मान गरिएको वडा सचिव मनिराम पाध्याले जानकारी दिनुभएको छ ।

१४ जना जेष्ठ नागरिक र ७ जना अपांगलाई ओढ्ने प्रयोग हुने बलाङ्केट, टर्च,फलफूल लगायतका सामाग्री वितरण गरि सम्मान गरिएको वडाध्यक्ष किस्ने सार्कीले बताउनुभएको छ ।
चिसोको बेला भएकाले वडा कार्यालयबाट नि:शुल्क ओढ्ने बलाङ्केट अँध्यारो रातिको समयमा बाहिरभित्र जनाका लागि टर्च लाइट र फलफूल पाएपछि जेष्ठ नागरिक र अपांग हर्षित भएका छन् ।

जेष्ठ नागरिक र अपांग सम्मान कार्यक्रम वडाध्यक्ष सार्की अध्यक्षतामा भएको थियोे । कार्यक्रममा निर्वाचित जनप्रतिनिधि र जेष्ठ नागरिक तथा अपांगको उपस्थितिमा रहेको थियोे ।

यसरी ओढ्ने प्रयोग हुने बलाङ्केट, टर्च,फलफूल लगायतका सामाग्री वितरण गरि जेष्ठ नागरिक र अपांगलाई सम्पन्न गरिएको थियोे तस्बिरहरू।