प्रधानमन्त्री प्रचण्ड आज सुदूरपश्चिम आउँदै

प्रधानमन्त्री पुष्पकमल दाहाल प्रचण्ड आज सुदूरपश्चिम प्रदेश आउन लागेका । प्रधानमन्त्रीमा नियुक्त भएपछि उहाँ पहिलो पटक सुदूरपश्चिम आउन लागेका हुन् ।

नेपाली सेनाको जहाजबाट प्रधानमन्त्री धनगढी आउन लागेका हुन् । १० बजे धनगढी पुग्ने र १०ः४५ सम्म शहीद दशरथ चन्द स्वास्थ्य विज्ञान विश्वविद्यालय निरीक्षण गर्ने कार्यक्रम तय भएको छ । सरकारले आईतबार मात्रै प्रस्तावित गेटा मेडिकल कलेजलाई शहीद दशरथ चन्द स्वास्थ्य विज्ञान विश्वविद्यालय निर्णय गरेको थियो ।

त्यसपछि प्रधानमन्त्री महेन्द्रनगर प्रस्थान गर्ने भएका छन् । त्यसपछि सुख्खा बन्दरगाह,महाकाली पुल, महाकाली कोरिडोरको निरीक्षण अवलोकन र छलफल गरेर महेन्द्रनगर फिर्ता हुने जनाइएको छ ।
२ः३० बजे जनयुद्ध दिवसको अवसरमा जिल्ला पार्टीले आयोजना गरेको कार्यक्रमलाई सम्बोधन गर्ने र २ः४५ मा कञ्चनपुर महोत्सवमा सम्बोधन गर्ने कार्यक्रम रहेको छ ।

आजै ४ः३० मा धनगढी विमानस्थल पुग्ने र काठमाडौँ फर्किने प्रधानमन्त्री प्रचण्डको तयारी रहेको छ ।