डोटीमा जीप दुर्घटना हुँदा दुई जनाको घटनास्थलमै मृत्युु, ६ घाइते

किरण धामी – डोटी ।

डोटीमा जिप दुर्घटना हुँदा २ जनाको मृत्युु भएको छ भने ६ जना घाइते भएका छन् । जिल्लाको दिपायल बाट के.आई.सिंह गाउँपालिकाको घाटलाया जाँदै गरेको सु.प.प्र ०१२३००१ च ३३२९ नम्बरको जिप लोलीमा दुर्घटना हुँदा २ जनाको घटना स्थलमै मृत्यु भएको प्रहरीले जनाएको छ ।

जिल्ला प्रहरी कार्यालय डोटीका प्रहरी प्रहरी निरिक्षक लक्ष्मीराज जोशीका अनुसार के.आई.सिंह गाउँपालिका १ का जिप चालक ३६ वर्षिय गोविन्द शाही र के.आई.सिंह गाउँपालिका २ जारिमभाडीका ४१ वर्षिय धन बहादुर तिरुवाको दुर्घटनामा परि मृत्यु भएको छ ।

घाइते हुनेमा के.आइ.सिंह गाउँपालिका १ डुम्राकोटका २७ वर्षिय तेज तिरुवा, उनीकि २६ वर्षिया श्रीमती राधा तिरुवा, उनकै ४ वर्षिय छोरा समिर तिरुबा, जारिमभाडिका २४ वर्षिय सुरज तिरुवा, २३ वर्षिय लक्ष्मी तिरुवा र १९ वर्षिय मिन लुहार रहेका छन् । घाइते मध्य दुई जनाको अवस्था गम्भीर रहेको छ भने अन्यको अवस्था समान्य छ । प्रहरीका अनुसार घाईते दुई जनालाई उपचारका लागि दिपायल स्थित सुजङ्ग अस्पताल ल्याइदै छ ।
शुक्रबार राति साढे ११ बजे दुर्घटना भएको जिप सडक खण्ड बाट अन्दाजी ६० मिटर तल खसेको छ ।