बित्थडचिर गाउँपालिका ४ द्वारा शैक्षिक सामाग्री वितरण

बझाङको वित्थडचिर गाउँपालिकामा टुहुरा असहाय अतिविपन्न बालबालिकालाई शैक्षिक सामाग्री वितरण गरिएको छ ।

वित्थडचिर गाउँपालिका वडा नम्बर ४ ले वडा भित्रका टुहुरा असहाय अतिविपन्न बालबालिकालाई शैक्षिक सामाग्री वितरण गरेको हो ।

वडाभित्रका १७ जना बालबालिकालाई झोला कापीकलम ,औंजार बक्स लगायतका शैक्षिक सामाग्री वितरण गरिएको वडा सचिव उमेश राज जोशीले बताउनुभयो ।

वडाका टुहुरा असहाय अतिविपन्न बालबालिकाको शैक्षिक स्तरमा अभिवृद्धि गर्न र उनीहरूलाई प्रोत्साहनका गर्नका लागि उक्त शैक्षिक सामाग्री वितरण गरिएको वडा कार्यालयले जनाएको छ ।

सोमबार एक औपचारि कार्यक्रमकाविच उक्त शैक्षिक सामाग्री वितरण गरिएको थियोे । शैक्षिक सामाग्री वितरण कार्यक्रम वडाध्यक्ष कलक बहादुर बोहराको अध्यक्षतामा भएको थियोे । कार्यक्रममा वडा सदस्यहरू निवर्तमान गाउँपालिका प्रवक्ता हर्कबहादुर धामी लगायत अभिभावकको उपस्थिति रहेको थियोे ।

आर्थिक वर्ष २०८९- २०८० को टुहुरा तथा विपन्न बालबालिकालाई शैक्षिक सामाग्री वितरण शिर्षकमा छुट्याइएको कार्यक्रममार्फत उक्त शैक्षिक सामाग्री वितरण गरिएको वडा सचिव जोशीले बताउनुभयो ।