त्रिवि अन्तर्गतका क्याम्पसहरुमा आज स्ववियु निर्वाचनका लागि मतदान हुँदै

त्रिभुवन विश्वविद्यालय अन्तर्गतका क्याम्पसहरुमा आज आइतबार स्वतन्त्र विद्यार्थी युनियन (स्ववियु) का लागि मतदान हुँदैछ ।

बझाङमा त्रिभुवन विश्वविद्यालय मातहत रहेका थलारा बहुमुखी क्याम्पस थलारा खोली , शान्ति आदर्श क्याम्पस छबिसपाथिभेरा गाउँपालिका-५ ब्याँसी , सेती क्याम्पस बगडगाउँ छबिसपाथिभेरा गाउँपालिका-१ , बझाङदिप क्याम्पस केदारस्युँ गाउँपालिका-९ झोता , सुनकुडा क्याम्पस सुनकुडा बित्थडचिर गाउँपालिका – ९ , खापरदेव क्याम्पस कालुखेती खप्तडछान्ना गाउँपालिकामा रहेका यी क्याम्पस आज एकैसाथ स्ववियु निर्वाचन हुँदैछ । यसअघि बुङ्गलमा रहेको त्रिवेणी आदर्श क्याम्पसमा निर्विरोध निर्वाचन भएका छन् । भने सुदूरपश्चिम विश्वविद्यालय मातहत रहेको जयपृथ्वी बहुमुखी क्याम्पसमा ८ गते निर्वाचन हुँदै छ ।

त्यस्तै त्रिवि अन्तर्गतका ६० वटा आंगिक र एक हजार ४० वटा सम्बन्धन प्राप्त क्याम्पसहरुमा स्ववियु पदाधिकारी चयनका लागि मतदान हुने भएको हो ।

निर्वाचनका लागि मतदानको समय आइतबार बिहान ८ देखि दिउँसो ४ बजेसम्म तोकिएको छ ।

प्रत्येक दुई वर्षमा हुनुपर्ने स्ववियु निर्वाचन १५ वर्षपछि हुन लागेको हो ।

बझाङमा स्ववियु निर्वाचनमा नेविसंघ र अखिल क्रान्तिकारी र एमाले निकट अनेरास्ववियु र एस निकट अनेरास्ववियू विच गठबन्धन भएको छ।