दैलेखमा ग्यास सिलिन्डर बोकेको मिनी ट्रक दुर्घटना, ३ जनाको मृत्यु घटनास्थलमै मृत्यु

दैलेखमा मालबाहक मिनि ट्रक दुर्घटना हुँदा ३ जनाको घटना स्थलमै मृत्यु भएको छ।

नेपालगञ्जबाट दैलेखतर्फ गइरहेको मनकामना ग्यास सिलिन्डर बोकेको भे १ क २२०१ नम्बरको ट्रक आज विहान पौने ९ बजे दैलेखको गुराँस गाउँपालिका ३ ताल पोखरीमा दुर्घटना भएको दैलेख प्रहरीले जनाएको छ।

दुर्घटनमा मृत्यु हुनेमा ३० वर्षीय चालक कृष्ण चौधरी, कामदारहरु २५ वर्षीय लक्षिराम चौचरी र २२ वर्षको विष्णु चौधरी रहेका छन्।

सहचालक प्रकाश कुमाई भने सकुशल रहेको प्रहरीले जनाएको छ। माथिल्लो मोडबाट तल्लो मोडमा खसेको ट्रकका कारण बाटो अवरुद्ध भएको प्रहरीले जनाएको छ।