२७ आश्विन २०८१, आईतवार
सुदूरपश्चिमकै चर्चित ऐतिहासिक तथा धार्मिक चैतली मेलाको उद्घाटन
शिवजी मण्डेल
बझाङमा लाग्ने सुदूरपश्चिमकै चर्चित ऐतिहासिक तथा धार्मिक चैतली मेलाको अवसरमा आयोजना गरिएको विभिन्न साँस्कृतिक ,खेलकुद कार्यक्रमको उद्घाटन गरिएको छ । मष्टा संस्कृतिक र परम्परा हाम्रो पहिचान यसको संरक्षण सम्बर्द्धन र प्रवर्द्धन हामी सबैको अभिमान भन्ने मुल नाराका साथ आज मेलाको उद्घाटन गरिएको हो ।
उद्घाटन कार्यक्रम बान्नीकी चैतली मेला ब्यवस्थापन समिति संयोजक तथा छबिसपाथिभेरा गाउँपालिका वडा नम्बर-३ का वडा अध्यक्ष श्यामबहादुर सिंहको अध्यक्षतामा भएको हो , भने प्रमुख अतिथि छबिसपाथिभेरा गाउँपालिका अध्यक्ष बसन्त चलाउने रहनु भएको थियो ।
कार्यक्रममा बिशिष्ठ अतिथि उपाध्यक्ष लछिमन बोहरा , नेपाली काँग्रेस जिल्ला पुर्व सभापति सत्यराज भण्डारी , अतिथि निवर्तमान अध्यक्ष अंकल धामी , सबै वडाका वडाध्यक्ष , विभिन्न राजनीति दलका प्रतिनिधि , पत्रकार, सुरक्षाकर्मी , रहनुपर्छ भएको थियोे भने , हजारौं दर्शनार्थीको उपस्थिति रहेको थियोे ।
हरेक वर्ष चैत शुक्ल अष्टमीबाट छबिसपाथिभेरा गाउँपालिका-३ बान्नीकोटमा सुरु हुने यो मेला चैत्र शुक्ल पूर्णिमा सम्म लाग्ने गर्दछ । मेला सुरु भएपछि प्रत्येक रात मन्दिरमा बाजा बजाउने र मष्टाका करियाहरु चोखो निम्तो भएर ब्रत बस्ने गरेको बान्नी मष्टाका करियाहरूले बताए ।
परापूर्वकालमा महिसासुर दानवले बान्नी मष्टा देवतासंग युद्ध गरी मष्टालाई पासोमा पारेको र मष्टालाई दानवको पासोबाट मुक्त गर्नका लागी सुर्मा देवी प्रकट भै महिसासुरको वध गरेको खुसीयालीमा बान्नीकी चैतली मेला लाग्ने गर्दछ ।
सुर्मा देवीले भाला प्रहार गरी दानवको वध गरेको प्रतिकका रुपमा चैत औंसीका दिन काटेको कांकर (लिंगो)लाई चैत शुक्ल त्रयोदशीका दिन तोलेनी भन्ने खेतमा डुलाउने गरिन्छ । झण्डै २५ मिटर लामो कांकरलाई मानिसहरुले समातेर ३ सय मिटर जति डुलाउने गर्छन् । त्यसपछि उक्त कांकरलाई बान्नी मष्टाको मन्दिरमा चढाएपछि राक्षसको टाउकोको प्रतिक भकुन्डो बनाएर सुर्माले खेलेको सम्झनामा तल्लो छबिस्या र मल्लो छबिस्या बासिन्दाहरु बीच भकुन्डो खेल्ने प्रचलन छ ।
यसरी हिडाएर ल्याएको कांकर लाई बान्नी मष्टाको मन्दिरमा चढाए पछि राक्षसको टाउकोको भकुन्डो बनाएर सुर्माले खेलेको सम्झनामा तल्लो छविस र मल्लो छविसका बासिन्दाहरुबीच भकुन्डो खेल्ने प्रचलन छ । यसरी काकंर हिडाएको र भकुन्डो खेलेको हेर्नका लागि बझाङ जिल्ला लगायत सुदुरपश्चिमका विभिन्न जिल्लाबाट हजारौं मानिसहरु कडेल गाविसको बान्नी चौरमा आउने गर्दछन् । राक्षसलाई मारी सकेपछि सुर्मा देवीले पेटको छाला निकालेर दमाहा बनाएको र हातका औलाको नगरा (गजा) बनाई विजय उत्सव मनाएको किवंदन्ती छ ।
यो खबर पढेर तपाईलाई कस्तो महसुस भयो ?
+1
+1
+1
1
+1
1
+1
+1
+1
