कारागार भित्र सीप सिकेर आम्दानी गर्दै कैदी बन्दी

सेयर गरौं

बझाङ : बझाङको जिल्ला कारागार सुधारगृह जस्तै बनेको छ। यहाँका कैदी बन्दीहरुले नयाँ सीपमूलक काम गर्दै आएका छन्।

६७ जनाको हाराहारीमा रहेका उनीहरुले पछिल्लो समय त उद्यमीको रुपमा आफ्नो पहिचान बनाएका छन्।

रोचक त के भने उनीहरु कारागारभित्रैबाट आफ्ना सीपमूलक उत्पादन बेचेर खर्च जुटाउँदै आएका छन्। करिब ५ वर्षदेखि जेल जीवन बिताइरहेका दीपक देवार टोपी, स्विटर, गल्बन्दी लगायत धागोबाट बन्ने सामग्री बनाउँछन्। क्यारेमबोर्ड खेलेरै बिताउने समय सीपमुलक काममा लगाउन पाउँदा खुसी लागेको देवारले बताााउनु भयो ।

यसरी उत्पादन गर्ने धागोका सामग्री बजारमा पनि बिक्री गर्दै आएको उनको भनाइ छ।

देवार जस्तै हरि टमटाले पनि टोपी बनाएर आयआर्जन गरिरहेका छन्। उनीहरुका अनुसार एकजनाले दैनिक कम्तीमा एउटा टोपी तयार पार्छन्। टोपी ८ सय रुपैयाँको दरले बिक्री हुँदै आएको उनीहरुको भनाइ छ ।

साथै धागोबाट बन्ने सामग्री बनाएरै आफूहरुले मासिक ८-१० हजार आम्दानी गर्ने गरेको उनीहरुले सुनाए। स्थानीय उत्पादनका साथै हेर्नमा राम्रो भएकाले यसको बजारिकरणमा सबैले ध्यान दिनुपर्ने नेपाल पत्रकार महासंघ बझाङका सचिव ललित सिंहले बताउनु भयो ।

उनले भने, ‘केही समयअघि मैले पनि ४–५ वटा टोपी त्यहाँबाट किनेर ल्याएको हुँ, टोपी राम्रो छ। यसको बजारिकरणमा सबैले ध्यान दिन आवश्यक छ।’

निर्मित सामग्रीको बजार भने प्रशस्त नरहेको उनीहरुको गुनासो छ। बजारको अभावका कारण केही सामग्री त आफूसँगै रहेको टमटाले भन्नू भयो ।

उनले भने, ‘बनाउन केही समस्या छैन, बनेको सामग्री बिक्री गर्न समस्या छ।’ सामान बिक्रीका लागि बजार व्यवस्थापनमा सहयोग गरिदिन उनीहरुले कारागारमा पनि अनुरोध गरेका छन्। उनिहरुले आफैले बुनेका सामाग्री परिवारका सदस्यलाई बिक्रीका लागि बजार पठाउँदै आएका छन्।

उनीहरूले बनाएका सामग्री विक्रीका लागि आफुहरुले पनि सहयोग गरेको जिल्ला कारागार बझाङका जेलर धनबहादुर घर्तीले बताए। कारागारले बेलाबेलामा विभिन्न सीपमूलक तालिम आयोजना गर्दै आएको छ।

आफ्नो थप सीप विकासका लागि घरेलु तथा साना उद्योग विकास कार्यालयसँग कैदीहरूले सीप विकास तालिमको माग गरेका छन्।

दुई वर्षयता घरेलु तथा साना उद्योग विकास कार्यालयले कैदीबन्दीहरूका लागि सीप विकास तालिम संचालन नगरेको समेत जेलर घर्तीले बताउनु भयो ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0
संवाददाता
संवाददाता
Articles: 1246