अन्तर बिधालय अतिरिक्त क्रियाकलाप कार्यक्रम सहित थलारा गाउँपालिका वडा नम्बर ९ले मनायो जयपृथ्बी जयन्ती

थलारा गाउँपालिकामा आज पहिलो पटक राष्ट्रिय बिभुति तथा मानवतावादी राजा जयपृथ्बी बहादुर सिंहको जन्म जयन्ती मनाईएको छ । थलारा गाउँपालिका वडा नम्बर ९ ले वडा स्तरीय अन्तर बिधालय अतिरिक्त क्रियाकलाप गरि १ सय ४७ अौ जयपृथ्बी बहादुर सिंह जन्म जयन्ती मनाएको हो ।
कार्यक्रममा जयपृथ्बी बहादुर सिंहको फोटोमा माल्यार्पण गरि उनको योगदानबारे चर्चा गरिएको थियोे ।
थलारामा अहिले सम्म जयपृथ्बी बहादुर सिंहको जन्म जयन्ती मनाईएको थिएन ।हामीले सुरुवात गरेकाछौ अब हरेक बर्ष जयपृथ्बी सिंहको जन्म जयन्ती मनाउने थलारा गाउँपालिका वडा नम्बर ९ का अध्यक्ष ल‍ोकेन्द्र बिष्टले बताउनु भयो ।
उनका अनुसार जयपृथ्बी जयन्तीको अवसरमा बडा स्तरीय अन्तर बिधालय अतिरिक्त क्रियाकलाप र एसईईमा उत्कृष्ट हुने छात्र छात्रालाई सम्मान गरिएको छ ।
अतिरिक्त क्रियाकलापमा कक्षा १-३ को हिसाब दौड , ४-५ को हिज्जे प्रतियोगिता , ६-८ को हाजिरी जवाफ प्रतियोगिता र ९-१० कक्षाको नेपाली श्रुति लेखन प्रतियोगिता गरिएको थियोे । प्रतियोगितामा प्रथम द्वितीय र तृतीय हुने लाई प्रमाणपत्र सहित पुरस्कार दिईएको थियोे ।
सोही अवसरमा थलारा गाउँपालिका ९ निवासी जनप्रिय माबि बगडगाउँबाट 3.7जीपिए मार्क ल्याउने बझाङ टप शिशिर खड्का,3.5जीपिए मार्क सहित एसईई पास गर्ने उत्कृ छात्रा पार्वती बिष्ट, एसईईमा 3.4 जीपीए सहित थलारा टप पवन सिंह र 3.3जीपीए ल्याउने प्रदिप बिष्टलाई पनि प्रमाणपत्र र नगद सहित सम्मान गरेको थियोे ।
वडा अध्यक्ष लोकेन्द्र बिष्टको अध्यक्षतामा र शिक्षक देब बहादुर खड्काले सञ्चालन गरेको कार्यक्रममा थलारा गाउँपालिका शिक्षा सहायक राईभान ओली प्रमुख अतिथि रहनु भएको थियो ।
कार्यक्रमलाई शिक्षक पदम बहादुर खड्का , प्रेमबहादुर सिंह,भीम बहादुर खड्का , नवीन बिष्ट ,बिश्व राज जोशी , बिरेन्द्र गीरी,पूर्ण भण्डारी र शेर बहादुर खड्काले सहजिकरण गर्नु भएको थियोे । कार्यक्रम चक्रेश्वर मा.बि.मालुमेलाको प्राङ्गणमा भएको थियो ।