२८ वर्षीया महिलालाई जबरजस्ती करणी गरेको आरोपमा १३ वर्षीय नाबालक पक्राउ

बझाङमा २८ वर्षीया महिलालाई जबरजस्ती करणी गरेको आरोपमा १३ वर्षीय नाबालक पक्राउ परेका छन् ।  छबिसपाथिभेरा गाउँपालिका -१ सुङ्ला बस्ने एक अपाङ्ग महिलालाई आइतबार दिउँसो ३ बजे जबरजस्ती करणी गरि फरार भएका सोही ठाउँका एक नाबालकलाई पक्राउ गरिएको हो ।  महिलालाई अल्जाइमर भएको मौका छोपी नाबालकले करणी गरेको प्रहरीले जनाएको छ ।

जबरजस्ती करणी गरि फरार भएका नाबालकलाई प्रहरी पोष्ट बगडगाँउबाट प्रहरी हवल्दार बिरबहादुर नाथको कमाण्डमा खटिएको टोलीले साँझ ६:३० बजे बालुवाटार नजिक पुरानो घरमा लुकेको अवस्थामा पक्राउ गरेको हो ।

बुबाको निधन भइसकेको र आमा आइतबार नै डोटी गएका बेला नाबालकले यस्तो घटना घटाएको खुल्न आएको छ ।

नाबालक नैतिक रुपमा पतन भइसकेको हुँदा यस्तो घटना घटेको हुनसक्ने प्रहरी नायब उपरिक्षक भरत शाहले बताए ।