बझाङ सदरमुकाम चैनपुरमा प्रहरीको छापा, लागुऔषधसहित एक जना प्रहरी नियन्त्रणमा 

बझाङ प्रहरीले सदरमुकाम चैनपुरको एक हेयर कटिङ पसलबाट छापा हानेर लागुऔषध ट्रामाडोल र अन्य लागु पदार्थसहित सञ्चालकलाई नियन्त्रणमा लिएको छ । गोप्य सूचनाका आधारमा खटिएको प्रहरी टोलीले चैनपुरमा रहेको सुर्जन हेयर कटिङ पसलबाट ट्रामाडोलसहित अन्य लागुपदार्थ र  पसल सञ्चालक सुर्जन बोहोरालाई नियन्त्रणमा लिएको हो ।

आइतबार दिउँसो ३ बजे प्रहरी सहायक हवल्दार शम्भु धामीको कमाण्डमा खटिएको  प्रहरी टोलीले पसलमा शंका लागेर खानतलासी गर्दा काठको घर्राभित्र कालो प्लास्टिकमा पोको पारी लुकाएको अवस्थामा फेला पारेको हो  । पसल सञ्चालक सुर्जन बोहोरालाई नियन्त्रणमा लिएर थप अनुसन्धान भइरहेको प्रहरीले जनाएको छ ।