जाजरकोटको भूकम्पका कारण बैतडीमा एक घर भत्कियो ३ जना घाइते

बैतडीः गएराति ११ बजेर ४७ मिनेटमा जाजरकोटको बारेकोट गाउँपालिका केन्द्रबिन्दु भएर ६.४ रेक्टर स्केलको भूकम्पका कारण बैतडीमा एक घर भत्किएको छ।

भूकम्पका कारण बैतडीको दोगडाकेदार गाउँपालिका १ रीम घोरडीका कर्णबहादुर कार्कीको घर भत्किएको जिल्ला प्रहरी कार्यालय बैतडीले जनाएको छ। घर भत्किँदा कार्कीसहित उनकी श्रीमति ४५ वर्षीया नारु कार्की र ९ वर्षीया छोरी भावना कार्की समान्य घाइते भएका जिल्ला प्रहरी कार्यालय बैतडीका प्रवक्ता प्रहरी निरीक्षक योगेश खत्रीले बताए। घटनाका विषयमा थप अनुसन्धानका लागि प्रहरी टोली खटिएको बताइएको छ।