बझाङको बुङ्‍गलमा एक घरमाथिबाट पहिरो जाँदा ४ जना बेपत्ता , ५ जनाको जिवितै उद्दार !

बझाङको बुङ्‍गल नगरपालिका वडा नम्बर १० स्थित टुमेडामा एक घरमाथिबाट पहिरो जाँदा ४ जना बेपत्ता भएका छन् । गाउँमा एक्लै रहेको बिरा धामीको घर माथिबाट पहिरो खस्दा बिरा धामीका श्रीमती बुहारी र दुईवटा नातिनी बेपत्ता भएका हुन् ।

९ जना सदस्य रहेको उक्त घरमाथि राति १ बजे खसेको पहिरोले घर क्षतबिच्छेद बनाएको र तत्काल गाउँलेको प्रयासले ५ जनाको जिवितै उद्दार गरिएको छ भने चार जना बेपत्ता भएको स्थानीय भरत महराले बताउनुभयो । उद्‍दारका लागि अहिले झापा प्रहरी चौकीबाट प्रहरी टोली त्यसतर्फ खटिएको छ ।

स्थानीयहरु रातभर लागे पनि उद्दारमा कठिनाइ भइरहेको छ । बिराका छोरा उज्वल धामी भने भागेर बाँच्न सफल भएका थिए । उनले स्थानीयलाई गुहारेकाले बिरा धामी, बिराकी छोरी कमला धामी, नाती र एक बुहारीको जिवितै उद्दार गरिएको छ । भने चार जना घर भित्रै उद्दार गर्न नसकिने अवस्थामा रहेको उद्दारमा खटिएका स्थानीय भरत महराले बताउनुभयो