डोटीमा पहिरोमा परेर माईत हिडेकि एक महिलाको मृत्यु

डोटीमा पहिरोमा परेर एक महिलाको मृत्यु भएको छ। माइती जाने क्रममा आदर्श गाउँपालिकामा पहिरोमा परेर एक जना महिलाको मृत्यु भएको हो । साथै एक बालिका घाइते भएकी छन्।
आदर्श गाउँपालिका–३ उन्ने ओडार भन्ने ठाउँमा माथिबाट आएको पहिरोमा परि सोही वडाको आगरकी ६१ वर्षीया कौमती देवी ऐरको मृत्यु भएको वडा अध्यक्ष दीपेन्द्र प्रसाद पाठकले जानकारी दिनुभएको छ।
वडा अध्यक्ष पाठकका अनुसार कौमती सँगै रहेकी मृतककी करिब १२ वर्षीया नातिनी भुवनेश्वरी ऐर घाइते भएकी छन्।
कौमतीको आफ्नी नातिनी सहित आदर्श गाउँपालिका–६ सवखोला जानेक्रममा शनिवार बिहान ११ बजेतिर बाटो माथिबाट आएको पहिरोमा परि मृत्यु भएको हो।