२७ आश्विन २०८१, आईतवार
सुदूरपश्चिम प्रदेश सरकारले सोमबार चालू आर्थिक वर्ष २०८१/८२ को बजेट ल्याउदै
सुदूरपश्चिम प्रदेश सरकारले सोमबार चालू आर्थिक वर्ष २०८१/८२ को बजेट ल्याउने भएको छ। बजेटको प्राथमिकता, नीति तथा कार्यक्रम सदनबाट पास भइसकेको छ। त्यसैको आधारमा नै बजेट ल्याउन लागेको सरकारले जनाएको छ ।
प्रदेश सभा बैठकको कार्यक्रमअनुसार सोमबार सुरुमा आर्थिक मामिलामन्त्री बहादुरसिंह थापाले यसअघि मन्त्री सुरेन्द्रबहादुर पालले गत असार १ मा प्रदेशसभामा पेश गरेको बजेटसम्बन्धी विधेयक फिर्ता लिनेछन्।
त्यसपछि उनले वर्तमान सरकारले तयार गरेको नयाँ बजेट टेबल गर्नेछन् । बजेट टेबल गरिसकेपछि मन्त्री थापाले चालु आर्थिक वर्ष ०८१/८२ का लागि बजेट वक्तव्य प्रस्तुत गर्नेछन् ।
यसअघि एकीकृत समाजवादीका नेता दीर्घ सोडारी नेतृत्वको प्रदेश सरकारले असार १ गते चालू आर्थिक वर्ष २०८१र८२ को बजेट ल्याएको थियो । प्रदेश सभामा बजेट पारित नहुँदै सोडारी नेतृत्वको सरकार ढलेपछि बजेट प्रदेश सभामा अलपत्र परेको थियो ।
त्यससँगै प्रदेशमा बजेट शून्यता भएको थियो।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
