सडकमा फेला परेको पैसा सहितको पर्ष थलारा बहुमुखी क्याम्पस स्वबियु अध्यक्ष जेठाराले गरे सम्बन्धित ब्यक्ति लाई हस्तान्तरण

थलारा बहुमुखी क्याम्पस स्वबियु अध्यक्ष महेश जेठाराले सडकमा फेला परेको पैसा सहितको पर्ष सम्बन्धित ब्यक्तिलाई हस्तान्तरण गरेकाछन ।
यहि कार्तिक २६ गते सडकमा खसेको अबस्थामा भेटाएको पर्ष सम्बन्धि ब्यक्ति थलारा गाउँपालिका वडा नम्बर ४ ठिंङका मान बहादुर बोहरालाई हस्तान्तरण गरेका हुन ।
थलारा गाउँ पालिका एम्बुलेन्स चालक सुगम खड्का र महेश जेठाराले सडक मा खसेको अबस्थामा उक्त पर्ष भेटाएका थिए । उनिहरुले उक्त ईलाका प्रहरी कार्यालय खोलीमा बुझाएका थिए । थलारा ४ ठिङका मान बहादुर बोहराले उक्त पर्ष आफ्नो भएको प्रमाण पेश गरेपछि उक्त पर्ष बोहरालाई हस्तान्तरण गरिएको ईलाका प्रहरी कार्यालय खोलीले जनाएको छ । पर्षमा पैसा संगै अन्य कागजात पनि रहेको थियो ।