कैलालीमा लागुऔषधसहित तीन जना पक्राउ, पक्राउ पर्नेमा एक बझाङका

बझाङ – कैलालीमा लागुऔषधसहित तीन जना पक्रउ परेका छन्। जिल्लाको विभिन्न स्थानबाट तीन जना पक्राउ परेका हुन्। पक्राउ पर्नेमा कैलालीका दुई र बझाङका जना एक छन्। 

बझाङको बुङ्गल नगरपालिका वडा नम्बर २ स्थायी घर भएका कैलालीको गोदावरी नगरपालिका वडा नम्बर ४ गौरीगडा बस्ने ६२ वर्षीय गगने धामीलाई चार किलोग्राम चरेससहित पक्राउ गरिएको हो।

यस्तै जिल्लाको गोदावरी नगरपालिका वडा नम्बर १ बाँसबारी स्थित पुष्पराज पुन मगरको घरमा डेरा गरी बस्ने चुरे गाउँपालिका वडा नम्बर ३ बस्ने २३ वर्षीय निर्मला कुमारी रावतलाई ३ ग्राम १६० मिलिग्राम लागु औषध खैरो हेरोइन पक्राउ गरिएको छ। कैलालीकै गोदावरी नगरपालिका वडा नम्बर १ धनगढी रोड बस्ने २४ वर्षीय राजन हमाललाई एक ग्राम ३४० मिलिग्राम लागु औषध खैरो हेरोइनसहित प्रहरीले पक्राउ गरेको छ ।
प्रदेश प्रहरीका अनुसार उनीहरुलाई  प्रदेश प्रहरी कार्यालय धनगढीको आरआईटी समूह र इलाका प्रहरी कार्यालय मालाखेतीको खटिएको सादा पोसाकको समूहले पक्राउ गरेको हो। संयुक्त प्रहरी समूहले पक्राउ गरेको उनीहरुलाई आवस्यक कारबाहीका लागि मालाखेती प्रहरी कार्यालयको हिरासतमा राखिएको छ।